Livan Milliy axborot agentligi ma’lumotlariga ko‘ra, Isroil Livan poytaxtining Hizbulloh harakati joylashgan janubiy chekkalariga kamida 17 marta zarba bergan. Bu haqida zamon.uz xabar berdi.
Livan matbuoti havo hujumini mojaro boshlanganidan beri kuzatilgan “eng shafqatsiz hujum” deb atadi.
OAV ma’lumotlariga ko‘ra, hujum xususan El-Leylaki hududiga qaratilgan bo‘lib, u yerda oltita bino, jumladan, turar-joy majmuasi vayron bo‘lgan. "Isroil havo hujumi oqibatida bir kishi halok bo‘ldi, besh kishi, jumladan, bir bola yaralandi", deya xabar berdi mamlakat sog‘liqni saqlash vazirligi.