Olmaliq shahridagi “Metallurg” madaniyat saroyida “Olmaliq kon-metallurgiya kombinati” aksiyadorlik jamiyati tashkil topganining 75 yilligi munosabati bilan bayram tadbiri o‘tkazildi.
Prezident Shavkat Mirziyoyevning kombinat jamoasiga yo‘llagan bayram tabrigini Bosh vazir Abdulla Aripov o‘qib eshittirdi.
Davlat rahbari yubiley sana munosabati bilan ishlab chiqarish ilg‘orlaridan bir guruhini mukofotlash bo‘yicha tegishli farmonni imzolagan edi. Tadbirda mukofotlarni Prezident nomidan Bosh vazir o‘z egalariga topshirdi.
