Bu voqea 1986 yilning 5 sentyabrida Pokistonning Karachi shahrida ro`y bergan edi, deb xabar berdi “Love-psy.ru” nashri.
O`shanda Amerikaning Pan American aviakompaniyasiga tegishli samolyotni terrorchilar qo`lga oldi. Agar jasur styuardessa Nirja Bxanot bo`lmaganda, yuzlab odamlar halok bo`lardi. U boshqalarni qutqarish uchun o`zini qurbon qildi.
Nirja Mumbayda o`rta maktabni tugatgandan keyin biroz model bo`lib ishladi, dunyoga dong`i ketgan brendlarning liboslarini namoyish etdi. 1985 yilda ota-onasining xohishi bilan turmushga chiqdi, ammo kuyovning qarindoshlari uning sepidan norozi bo`lganliklari tufayli qizni uyiga qaytarib yuborishdi. Baxtsiz nikohdan keyin Nirja Pan American aviakompaniyasining RA 73 reysiga styuardessa bo`lib ishga kirdi.
O`sha kuni Mumbaydan soat 05:00 da uchgan samolyot Pokistonning Karachi shahriga qo`nganda, uni to`rt nafar terrorchi yo`lovchilari va ekipaj a`zolari bilan birga qo`lga oldi. Nirja bir zumda nima voqea ro`y berganini anglab, uchuvchilarni hodisadan voqif etdi, ular zahira lyuki orqali samolyotni tark etishdi.
Avvaliga terrorchilar yo`lovchilarga qarata o`t ochgan bo`lsa, keyin ulardan pasportlarni ko`rsatishni talab qildi. AQSh fuqarosi bo`lgan shaxslarni birin-ketin o`qqa tutdi. Ammo Nirja boshqa yo`lovchilarning pasportlarini tezkorlik bilan axlat quvurga yashirdi. Shundan keyin terrorchilar boshqa AQSh fuqarolarini aniqlay olmadi.
Pokiston polisiyasi samolyotni qutqarish uchun hujum qilgan vaqtda paytdan foydalangan Nirja otishma, granatalar portlashiga qaramay, boshqa yo`lovchilarni qutqarishga harakat qildi. O`zi endi samolyotdan chiqib ketayotganda o`rindiqlar tagiga berkinib, qo`rqib o`tirgan uch nafar bolakayga ko`zi tushdi.
U ortiga qaytib, bolalarni qutqarayotgan vaqtda terrorchilar uni ko`rib qolib, o`qqa tutishdi. Nirja bolalarga tanasini qalqon qildi, ammo o`zi qurbon bo`ldi. U qutqargan bolalardan biri keyinchalik uchuvchilik kasbini egalladi.
Nirja Bxanot o`limidan keyin ko`rsatgan jasorati uchun Hindistonning eng yuksak mukofoti — Ashoka Chakra ordeniga sazovor bo`ldi. U tinchlik paytida bunday mukofotga loyiq ko`rilgan eng yosh inson hisoblanadi.
22.06.2022, 11:42
Dominikanning Red Air aviakompaniyasining samolyoti Mayami xalqaro aeroportiga (AQShning Florida shtati) qo`nganidan so`ng yonib ketdi. Bu haqda TASS xabar bermoqda. Ma`lum qilinishicha, samolyot seshanba kuni mahalliy...
20.10.2021, 09:56
AQShning Texas shtatida McDonnell Douglas DC 9-87 yo`lovchi samolyoti halokatga uchradi. Bu haqda ABC xabar bermoqda.Ma`lumotlarga ko`ra, samolyot parvoz qilganidan so`ng etarli balandlikka ko`tarila olmasdan...
10.10.2021, 17:31
Tataristonning Menzelinsk shahrida bortida 20 nafar parashyutchi va ikkita ekipaj a`zosi bo`lgan L-410 samolyoti qulab tushdi. Bu haqida "Ria Novosti"ga tayanib Zamon.uz xabar berdi.Qayd etilishicha,...
16.12.2019, 11:35
Toshkentdayigit va qiz o`rtasida rashk sababli kelib chiqqan janjal oqibatida qiz sevgilini pichoqladi. Yigit esa baxtli tasodif bilan omon qolgan. Bu haqda «Zamon» axborot dasturida...
