Avvalroq, ijtimoiy tarmoqlarda Toshkent viloyati Piskent tumani och bo‘rilar yurgani va kechqurun yosh bola va ayollar ko‘chada yurmasligi haqidagi xabarlar tarqalgan edi. Mazkur holat yuzasidan Piskent tumani hokimligi rasmiy munosabat bildirdi.
Ma’lum qilinishicha, Qirqqizobod hududi tog‘li hududda joylashganligi sababli, har yili qish mavsumida qor yog‘ishi oqibatida yovvoyi hayvonlar, jumladan bo‘rilar ham qishloqlarga kelishi kabi holatlar kuzatiladi.
Qayd etilishicha, yovvoyi hayvonlarni tutuvchi maxsus guruh hududga jalb etilgan.
Hozirda bo‘rilarni qidirish va ularni zararsizlantirish ishlari olib borilmoqda.
Tutilgan bo‘rilarni tabiiy muhitiga yaqin sharoit yaratish maqsadida hayvonot bog‘iga yuborish rejalashtirilgan.
"Ma’lumot o‘rnida, hozirgacha aholiga hech qanday zarar yetmagan",- deyiladi xabarda.
