Afg‘oniston Islom Amirligi oliy rahbari Haybatulloh Oxundzoda farmoni bilan ayollarga uylarning derazalaridan qarash taqiqlandi.
Qabul qilingan farmon bilan ayollar ko‘rinmasligi uchun xonadonlardagi derazalar va shamollatish teshiklarini loyihalash va qurishni tartibga solindi.
Hujjatga ko‘ra, afg‘on aholisining uylaridagi derazalar qo‘shni uylardan ayollar ko‘rinmaydigan qilib o‘rnatilishi kerak.
Agar deraza boshqa turar-joy binosiga qaragan bo‘lsa, uning oldiga odam balandligidagi devor qurish yoki “qo‘shniga boshqa yo‘l bilan zarar yetkazmaslik”ni ta’minlash zarurligi ta’kidlangan.
11 oktyabr kuni BMT Bosh kotibining maxsus vakili Roza Otunboyeva Afg‘oniston hukumatini 12 yoshdan oshgan qizlarning o‘qishini taqiqlovchi siyosatni qayta ko‘rib chiqishga chaqirdi.
