Афғонистон Ислом Амирлиги олий раҳбари Ҳайбатуллоҳ Охундзода фармони билан аёлларга уйларнинг деразаларидан қараш тақиқланди.
Қабул қилинган фармон билан аёллар кўринмаслиги учун хонадонлардаги деразалар ва шамоллатиш тешикларини лойиҳалаш ва қуришни тартибга солинди.
Ҳужжатга кўра, афғон аҳолисининг уйларидаги деразалар қўшни уйлардан аёллар кўринмайдиган қилиб ўрнатилиши керак.
Агар дераза бошқа турар-жой биносига қараган бўлса, унинг олдига одам баландлигидаги девор қуриш ёки “қўшнига бошқа йўл билан зарар етказмаслик”ни таъминлаш зарурлиги таъкидланган.
11 октябр куни БМТ Бош котибининг махсус вакили Роза Отунбоева Афғонистон ҳукуматини 12 ёшдан ошган қизларнинг ўқишини тақиқловчи сиёсатни қайта кўриб чиқишга чақирди.
