Toshkent viloyati bojxona boshqarmasi axborot xizmati ma’lum qilinishicha, qo‘shni davlatdan yurtimizga “Yallama” chegara bojxona post orqali fuqaro boshqaruvida kirib kelgan yuk avtotransport vositasi belgilangan tartibda bojxona ko‘rigidan o‘tkazilgan.
Ko‘rikda yo‘lovchining shaxsiy buyumlar orasida deklaratsiyada yozib ko‘rsatilmagan va og‘zaki so‘rovda ma’lum qilinmagan 1 dona “Stalker S84” nomli 4 yarim mm kalibrli pnevmatik to‘pponcha va 1 500 dona o‘q borligi aniqlandi.
Hozirda holat yuzasidan surishtiruv harakatlari davom etmoqda.
Ma’lumot o‘rnida: O‘zbekiston Respublikasining qurol to‘g‘risidagi qonuniga muvofiq, fuqaroviy va xizmat qurolini hamda uning o‘q-dorilarini davlatimiz hududiga olib kirish, olib chiqish va tranzitini amalga oshirishda, tegishli organlar ruxsatnomalariga ko‘ra amalga oshiriladi.
