JIB Shayxontohur tuman sudining 2025 yil 13 yanvar kungi qaroriga ko‘ra, bloger “Jasjan” uchun 5 sutkaga qamaldi.
J.Shodiyev va S.Saidova 2025 yil 11 yanvar kuni soat 12:00larda “Hilton” mehmonxonasi oldida, jamoat joyida bo‘la turishib, o‘zaro janjal qilishganligi, bir-birlarini haqorat qilishganligi haqida video lavha olishib, shu yerda bo‘lgan fuqarolarning tinchligini buzib, mayda bezorilik huquqbuzarligini sodir etishgan.
Sudda aybiga iqror bo‘lib tushuntirish bergan J.Shodiyev va S.Saidova, “Hilton” mehmonxonasi oldida “salbiy qiz va salbiy bola” rolini, bir-birlarini haqorat qilib, o‘zaro janjallashganlik holatini videoga olishganini bayon qilgan.
Sud J.Shodiyevga (“Jasjan”ga) 5 sutka ma’muriy qamoq, S.Saidovaga BHMning 1 baravari miqdorida ma’muriy jarima jazosi tayinlangan.
