AQSH USAID faoliyatini to‘xtatganidan so‘ng, Xitoy rivojlanayotgan mamlakatlardagi bo‘shliqni to‘ldirish uchun choralar ko‘rmoqda, deb xabar berdi Politico nashri manbalarga tayanib.
Tramp ma’muriyatining AQSHning xalqaro taraqqiyot agentligi (USAID) faoliyatini qisqartirish bo‘yicha yaqinda qabul qilgan choralari Xitoyning xalqaro yordam sohasida paydo bo‘lgan bo‘shliqni to‘ldirishga faol kirishishiga olib keldi.
Nepal va Kuk orollari kabi mamlakatlarda xitoylik rasmiylar avval USAID tomonidan moliyalashtirilgan dasturlarni o‘z mablag‘lari bilan almashtirishni taklif qilishmoqda. Bu esa Pekinning AQSH o‘z ishtiroki kamaytirayotgan hududlarda o‘z nufuzini mustahkamlashga intilayotganini ko‘rsatadi.
Mutaxassislarning ta’kidlashicha, USAID dasturlarining qisqarishi Xitoyga, ayniqsa strategik jihatdan muhim hududlarda, o‘z ta’sir doirasini kengaytirish imkonini bermoqda. Biroq, ba’zi tahlilchilar xitoy yordamining shartlari va uning oluvchi mamlakatlar uchun uzoq muddatli oqibatlaridan xavotir bildirishmoqda.
Shunday qilib, USAID dasturlarining qisqarishi global ta’sirning qayta taqsimlanishiga olib kelishi mumkin, bu esa Xitoyning xalqaro yordam va taraqqiyot tizimida tobora muhim rol o‘ynashiga sabab bo‘ladi.
Abdulloh Sayyid
