АҚШ USAID фаолиятини тўхтатганидан сўнг, Хитой ривожланаётган мамлакатлардаги бўшлиқни тўлдириш учун чоралар кўрмоқда, деб хабар берди Politico нашри манбаларга таяниб.
Трамп маъмуриятининг АҚШнинг халқаро тараққиёт агентлиги (USAID) фаолиятини қисқартириш бўйича яқинда қабул қилган чоралари Хитойнинг халқаро ёрдам соҳасида пайдо бўлган бўшлиқни тўлдиришга фаол киришишига олиб келди.
Непал ва Кук ороллари каби мамлакатларда хитойлик расмийлар аввал USAID томонидан молиялаштирилган дастурларни ўз маблағлари билан алмаштиришни таклиф қилишмоқда. Бу эса Пекиннинг АҚШ ўз иштироки камайтираётган ҳудудларда ўз нуфузини мустаҳкамлашга интилаётганини кўрсатади.
Мутахассисларнинг таъкидлашича, USAID дастурларининг қисқариши Хитойга, айниқса стратегик жиҳатдан муҳим ҳудудларда, ўз таъсир доирасини кенгайтириш имконини бермоқда. Бироқ, баъзи таҳлилчилар хитой ёрдамининг шартлари ва унинг олувчи мамлакатлар учун узоқ муддатли оқибатларидан хавотир билдиришмоқда.
Шундай қилиб, USAID дастурларининг қисқариши глобал таъсирнинг қайта тақсимланишига олиб келиши мумкин, бу эса Хитойнинг халқаро ёрдам ва тараққиёт тизимида тобора муҳим рол ўйнашига сабаб бўлади.
Абдуллоҳ Саййид
