Mazkur test fe`lingizning eng kuchli jihatlarini aniqlash imkonini beradi. Qarshingizda oddiy geometrik shakllar – uchburchak, doira va kvadratdan tashkil topgan 8 xil odam rasmlari. Ular orasidan o`zingizga yoqqanini tanlang va kuchli jihatlaringiz haqida ma`lumotlarga ega bo`ling!
Natijalar:
1. Boshqaruvchi
Birinchi raqamdagi shaklni tanlagan insonlarda boshqaruvchilik va tashkilotchilik qobiliyati rivojlangan bo`ladi. Ular notiqlik borasida ham kuchli sanaladilar. Turli davralarga tez kirishuvchan va ko`p masalalarda boshqalardan ustunliklarini namoyon etishga usta bo`lishadi.
2. Mas`uliyatli
Ko`p vaziyatlarda boshqaruvchilik qobiliyatlari sezilib tursa ham, ko`pincha tezkor qaror qabul qilishda ikkilanishlari pand berib qoladi. Bunday fe`l-atvorli insonlar o`z ishining ustasi bo`lishadi va har qanday vazifaga mas`uliyat bilan yondashishadi. O`zlariga va atrofdagilarga o`ta talabchan, haddan tashqari jonkuyar ekanliklari tufayli odatda asab kasalliklardan aziyat chekishadi.
3. Xavotirga beriluvchan
Ushbu rasmni tanlagan insonlar mayda qo`l mehnati faoliyatidan tortib, adabiyotgacha bo`lgan xilma-xil sohalarda iste`dodlarini namoyon eta oladilar. Odatda umr davomida birgina sohada ishlab o`tish bunday insonlar uchun o`ta zerikarli tuyulishi mumkin, kasblarni butunlay qarama-qarshi faoliyat turiga to`satdan almashtirib yuborsalar ajablanmasangiz ham bo`ladi. Tartibsizlikni aslo ko`tarolmasliklari tufayli boshqalar bilan ko`p tortishishlari mumkin. Tez xafa bo`ladilar va o`zlariga nisbatan ishonchsizliklari tufayli tasalliga ehtiyoj sezadilar.
4. Olimlar
Etti o`lchab bir kesish bunday insonlarga xos bo`lgan xususiyatlardan biri. Ular ruhiy jihatdan ham ancha bosiq insonlar toifasiga mansub bo`lishadi. Bunday insonlar odatda san`atning kino, sirk, teatr rejissurasi, multiplikatorlik kabi turlarida muvafaqqiyatga erishadilar.
5. Ichki sezgiga tayanuvchi insonlar
Ular tez asabiylashishlarga qaramay bir vazifadan boshqasiga oson o`ta oladilar va yangilikka o`ch bo`lishadi. Boshqalar manfaatini o`z ehtiyojlaridan ustun qo`yishga moyilliklari bor. Har qanday vaziyatda ham boshqalarga qo`pollik qilishmaydi va o`zlariga nisbatan baland ohangda gapirishlarini hazm qilolmaydilar.
6. Ixtirochi, konstruktor, rassom...
Texnik, tasviriy va aqliy faoliyat turlarida muvaffaqqiyatga erisha oladilar. Tashqi ta`sirlarga berilmay, o`z qoidalarida sobit turish ular uchun juda muhim. Hissiyotga beriluvchan va o`zlarining qobiqlariga o`ralib hayot kechirishga moyil bo`lishadi.
7. Ko`ngilchan
Hatto filmdagi noxush sahnalarni tomosha qilgach, ancha muddat o`zlariga kelolmay yuradilar. O`zgalarning qiyinchiliklarga sherik bo`lib, muammoli vaziyatlardan chiqish yo`llarni izlashga doim tayyor. Oxir-oqibat o`z muammolariga vaqt ajrata olishmaydi.
8. O`zgalar dardiga befarq
O`zgalar tashvishiga sherik bo`lish tuyg`usi ularga begona, ko`pincha boshqalarga befarq munosabatda. Ishxonada kuchli mutaxassis bo`lishsa, o`zlari to`g`ri deb hisoblagan narsanigina bajarishlari yoki bajartirishlari aniq.
Saodat tayyorladi
20.01.2017, 11:59
Husnbuzar yuzingizning qaysi sohasida paydo bo`lganiga ko`ra, organizmingiz uchun qanday muolaja kerakligini bilishingiz mumkin. Demak, ko`zgu qarshisiga turing-da, suratda ko`rsatilganidek, yuz sohalariga diqqat qiling. Agar:...
20.01.2017, 11:46
Yaqin kunlarda to`yga yoki biror oqshomga otlanayapsizmi? Qanday pardoz qilsam ekan, deb boshingiz qotganmi, unda ushbu pardozni sinab ko`ring. Bu pardoz uchun sizga kulrang, tillarang...
19.01.2017, 14:24
Kimning katta yutuqlarga erishib, omad cho`qqilarini zabt etgisi kelmaydi, deysiz. Bilmaymizki, hammasi o`z qo`limizda va buning yo`li juda ham oddiy. Quyida ular bilan tanishasiz... Har...
17.01.2017, 16:39
Mustahkam oila – muammolarsiz emas, balki ularni hal etishga qodir oiladir. Ellik yil birga yashagan er-xotinning oltin to`yida choldan so`rashayapti: – Ota, shuncha yillik turmush...
