Istanbulda yashovchi ayol zilziladan keyin eriga qo‘ng‘iroq qilib bog‘lana olmagani uchun u bilan ajrashishga qaror qildi. Bu voqea haqida huquqshunos Ergyun Kazanir ijtimoiy tarmoq X orqali ma’lum qildi.
Advokatning aytishicha, unga bir mahalliy ayol murojaat qilgan. Ayolning so‘zlariga ko‘ra, zilzila sodir bo‘lganidan keyin farzandi bilan uydan pastga tushib, hovlida joylashgan va qiyinchilik bilan eriga qo‘ng‘iroq qilgan. Eri unga yaqin vaqt ichida kelishini aytgan va shuning uchun oila a’zolari hovlida, telefoni quvvati tugash arafasida bo‘lgan holda uni kutgan.
Eri qaytib kelganida, ayol undan yaqinlariga qo‘ng‘iroq qilish uchun telefonini so‘ragan. Smartfonni olgan turk ayoli shunda bilib qolganki, zilzila sodir bo‘lgan zahoti eri avval unga emas, balki Istanbuldan 200 kilometr uzoqlikdagi Dyuzdje shahrida shaxsiy uyda yashaydigan onasiga qo‘ng‘iroq qilgan ekan.
Advokat Ergyun Kazanir ta’kidlaganidek, u ilk bor shunday masalaga — zilziladan so‘ng avvalo kimga qo‘ng‘iroq qilish kerakligi: onagami yoki rafiqagami, degan dilemmaga duch kelgan.
Natijada, mijoz ayol advokat xizmatlari uchun 250 ming lira to‘ladi va u o‘zini birinchi o‘ringa qo‘ymagan odam bilan hayotni davom ettirish niyati yo‘qligini bildirgan.
Eslatib o‘tamiz, 25-aprel kuni Istanbulda magnitudasi 4,3 bo‘lgan yangi zilzila ro‘y berdi. Shaharning g‘arbiy qismida bir necha kuchli silkinishlar yuz bergan.
Abdulloh Sayyid
