Истанбулда яшовчи аёл зилзиладан кейин эрига қўнғироқ қилиб боғлана олмагани учун у билан ажрашишга қарор қилди. Бу воқеа ҳақида ҳуқуқшунос Эргюн Казаныр ижтимоий тармоқ X орқали маълум қилди.
Адвокатнинг айтишича, унга бир маҳаллий аёл мурожаат қилган. Аёлнинг сўзларига кўра, зилзила содир бўлганидан кейин фарзанди билан уйдан пастга тушиб, ҳовлида жойлашган ва қийинчилик билан эрига қўнғироқ қилган. Эри унга яқин вақт ичида келишини айтган ва шунинг учун оила аъзолари ҳовлида, телефони қуввати тугаш арафасида бўлган ҳолда уни кутган.
Эри қайтиб келганида, аёл ундан яқинларига қўнғироқ қилиш учун телефонини сўраган. Смартфонни олган турк аёли шунда билиб қолганки, зилзила содир бўлган заҳоти эри аввал унга эмас, балки Истанбулдан 200 километр узоқликдаги Дюздже шаҳрида шахсий уйда яшайдиган онасига қўнғироқ қилган экан.
Адвокат Эргюн Казаныр таъкидлаганидек, у илк бор шундай масалага — зилзиладан сўнг аввало кимга қўнғироқ қилиш кераклиги: онагами ёки рафиқагами, деган дилеммага дуч келган.
Натижада, мижоз аёл адвокат хизматлари учун 250 минг лира тўлади ва у ўзини биринчи ўринга қўймаган одам билан ҳаётни давом эттириш нияти йўқлигини билдирган.
Эслатиб ўтамиз, 25 апрель куни Истанбулда магнитудаси 4,3 бўлган янги зилзила рўй берди. Шаҳарнинг ғарбий қисмида бир неча кучли силкинишлар юз берган.
Абдуллоҳ Саййид
