Avstraliyaning “ABC” telekanali xabar berishicha, AQSh rasmiylari 49 dona “M1A1 Abrams” tankining Ukrainaga yetkazilishiga hali ruxsat bermagan. Gap shundaki, ushbu harbiy texnikaning ishlab chiqaruvchisi sifatida AQSh bu eksportga ruxsat berishi kerak.
Manbaga ko‘ra, AQSh tomoni Avstraliya rasmiylariga tanklarni jo‘natishda logistika xarajatlari va Ukrainada ularni texnik xizmat bilan ta’minlashda yuzaga keladigan qiyinchiliklar haqida xavotir bildirgan.
“Muammoning yana bir tomoni shundaki, agar tinchlik bitimi imzolansa, tanklar dengiz o‘rtasida kema bortida bo‘lishi noqulay holatga aylanadi. Bundan tashqari, ularni dengiz safarida nazorat qilish uchun zarur malakali kadrlar yetishmaydi”, — degan ABC’ga intervyu bergan avstraliyalik rasmiy.
Avstraliya Mudofaa vazirligi esa “ABC” nashriga bergan izohida Ukrainaga 49 ta tankni topshirishga tayyorlik bildirishda davom etayotganini ma’lum qilgan. Ularning aytishicha, eksport jarayoni hozircha davom etmoqda.
Ma’lumot uchun, Avstraliya 2024 yil oktyabr oyida Ukrainaga “M1A1 Abrams” tanklarini berishni e’lon qilgan edi. Ularga ajratilgan mablag‘ 163 million dollarga baholangan.
