Toshkent viloyatida kadastr xodimi fuqarodan 1200 AQSH dollarini olayotgan vaqtida ushlandi. Bu haqda DXX axborot xizmati “Darakchi.uz”ga ma’lum qildi.
Qayd etilishicha, Toshkent viloyatining Oqqo‘rg‘on tumanida kadastr muhandisi mahalliy fuqaro tomonidan o‘zboshimchalik bilan egallab olingan 9 sotix yer maydoniga qonun doirasida egalik guvohnomasini rasmiylashtirib, uy-joy qurish uchun ruxsat olib berishini va’da qilgan.
So‘ng qilga ishi evaziga 1200 AQSH dollari talab qilgan. Va kelishilgan summani olayotgan vaqtida ashyoviy dalillar bilan qo‘lga tushgan.
Hozirda unga nisbatan Jinoyat Kodeksining 168-moddasi 3-qismi “v” bandi va 28,211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
