Navoiy viloyatining Tomdi, Konimex va Xatirchi tumanlarida o‘tkazilgan tezkor tadbirlarda fuqarolar tomonidan oltinni noqonuniy qazib olish holatlari fosh etildi. Bu haqda Iqtisodiy jinoyatlarga qarshi kurashish departamenti xabar berdi.
Xususan, Tomdi tumanida “Bessopan” sanoat maydoni hududidan tarkibida umumiy bahosi 569,8 mln so‘mlik 315,1 gramm oltin moddasi bo‘lgan 5,2 tonna ma’danli toshlar qazib olinayotgan vaqtda shaxslar ushlandi. Konimex va Xatirchi tumanlarida esa fuqarolar qum va toshdan oltin ajratib olish bilan shug‘ullanib kelgani aniqlandi.
Barcha holatlar bo‘yicha jinoyat ishlari qo‘zg‘atilib, tergov harakatlari olib borilmoqda.
