Rossiya havo hujumi mudofaa tizimlari 27 va 28 iyun kunlari Ukrainaning 31 ta samolyot tipidagi dronlarini urib tushirdi. Bu haqda Rossiya Mudofaa vazirligi matbuot xizmatiga tayanib, Anadolu xabar berdi.
Vazirlikka ko‘ra, Qrim Respublikasi hududida 9 ta, Bryansk viloyati hududida 6 ta, Smolensk viloyatida 5 ta, Qora dengiz ustida 5 ta, Azov dengizi suvlari ustida 2 ta, Oryol viloyati hududida 1 ta, Belgorod viloyati hududida 1 ta, Kaluga viloyati hududida 1 ta va Krasnodar viloyati hududi ustida 1 ta uchuvchisiz uchish apparati, ya’ni dronlar urib tushirilgan.
