Bakuda hibsda saqlanayotgan kamida 13 nafar Rossiya fuqarosi bilan Rossiya konsuli uchrashdi. Ular orasida “Sputnik Ozarbayjon” rahbari va bosh muharriri ham bor. Dastlabki ayblovlar — firibgarlik, noqonuniy biznes va jinoyat yo‘li bilan topilgan mol-mulkni legallashtirish.
Ozarbayjonda 1 iyul kuni hibsga olingan Rossiya fuqarolari orasida “Sputnik Ozarbayjon” rahbari Igor Kartavyx hamda bosh muharriri Yevgeniy Belousov bor. Mahalliy OAV ularni “FSB agentlari” deb atamoqda. Boku sudi ularni “firibgarlik” va boshqa moddalar bo‘yicha hibsga oldi.
Keyinchalik sud yana 8 nafar rossiyalikni qamoqqa olishga qaror chiqardi. Ularning aksari IT sohasi vakillari bo‘lib, ayni paytda ular ham tergov ostida.
Rossiya konsuli hibsdagi vatandoshlar bilan 3 soat davomida uchrashuv o‘tkazdi. Ularning ahvoli va huquqiy himoyasi muhokama etilgani aytilmoqda.
Bu voqealar Rossiya va Ozarbayjon o‘rtasidagi keskinlashgan fon manzarasida ro‘y bermoqda. 27 iyun kuni Rossiyaning Yekaterinburg shahrida hibsga olingan ozarbayjonliklardan ikki nafari politsiya bo‘limida vafot etgani Ozarbayjonda keskin norozilikni keltirib chiqargandi.
