Бакуда ҳибсда сақланаётган камида 13 нафар Россия фуқароси билан Россия консули учрашди. Улар орасида “Спутник Озарбайжон” раҳбари ва бош муҳаррири ҳам бор. Дастлабки айбловлар — фирибгарлик, ноқонуний бизнес ва жиноят йўли билан топилган мол-мулкни легаллаштириш.
Озарбайжонда 1 июль куни ҳибсга олинган Россия фуқаролари орасида “Спутник Озарбайжон” раҳбари Игор Картавйх ҳамда бош муҳаррири Евгений Белоусов бор. Маҳаллий ОАВ уларни “ФСБ агентлари” деб атамоқда. Боку суди уларни “фирибгарлик” ва бошқа моддалар бўйича ҳибсга олди.
Кейинчалик суд яна 8 нафар россияликни қамоққа олишга қарор чиқарди. Уларнинг аксари IT соҳаси вакиллари бўлиб, айни пайтда улар ҳам тергов остида.
Россия консули ҳибсдаги ватандошлар билан 3 соат давомида учрашув ўтказди. Уларнинг аҳволи ва ҳуқуқий ҳимояси муҳокама этилгани айтилмоқда.
Бу воқеалар Россия ва Озарбайжон ўртасидаги кескинлашган фон манзарасида рўй бермоқда. 27 июнь куни Россиянинг Екатеринбург шаҳрида ҳибсга олинган озарбайжонликлардан икки нафари полиция бўлимида вафот этгани Озарбайжонда кескин норозиликни келтириб чиқарганди.
