Iroqda 621 nafar ziyoratchi xlor gazidan zaharlandi. Bu haqda Arab News xabar berdi.
Ma’lum qilinishicha, Iroqning Najaf va Karbalo shaharlarini bog‘lovchi yo‘lda joylashgan suv tozalash inshootidagi nosozlik sabab havoga xlor gazi sizib chiqqan. Mamlakat Sog‘liqni saqlash vazirligi zaharlanish holatlari haqida 10 avgust kuni ma’lum qilgan.
Karbalo shahrida havoga xlor gazi sizib chiqishi oqibatida 621 nafar odamda nafas yetishmovchiligi kuzatilgan. Hozirda ularning barchasiga tez tibbiy yordam ko‘rsatilib, uylariga javob berilgan.
