Ироқда 621 нафар зиёратчи хлор газидан заҳарланди. Бу ҳақда Arab News хабар берди.
Маълум қилинишича, Ироқнинг Нажаф ва Карбало шаҳарларини боғловчи йўлда жойлашган сув тозалаш иншоотидаги носозлик сабаб ҳавога хлор гази сизиб чиққан. Мамлакат Соғлиқни сақлаш вазирлиги заҳарланиш ҳолатлари ҳақида 10 август куни маълум қилган.
Карбало шаҳрида ҳавога хлор гази сизиб чиқиши оқибатида 621 нафар одамда нафас етишмовчилиги кузатилган. Ҳозирда уларнинг барчасига тез тиббий ёрдам кўрсатилиб, уйларига жавоб берилган.
