Joriy yilning 2 avgust kuni Navoiy viloyatining Zarafshon shahrida suv quvuri yorilishi oqibatida baʼzi bir uylarni suv bosgan. Bu haqda Favqulodda vaziyatlar vazirligi xabar berdi.
Bildirilishicha, tungi soat 01:50 da shahardagi “Tashqi suv taʼminoti birlashgan energiya xizmati” 6-nasos stantsiyasiga qarashli diametri 1250 mm boʻlgan sanoat-texnik suv quvuri yorilishi oqibatida suv toshgan.
Suv toshishi ortidan Taraqqiyot koʻchasidagi uylarning devorlari ostidan suv sizib chiqqan natijada, baʼzi uylarga zarar yetgan.
Vazirlik bergan maʼlumotlarga koʻra, zudlik bilan shahar FVB qutqaruvchilari voqea joyiga etib borib, maxsus texnikalar yordamida hodisa oqibatlarini bartaraf etgan. Tan jarohati olganlar esa aniqlanmagan.
