Bosh prokuratura huzuridagi Departament va IIB xodimlari tomonidan Samarqand, Xorazm, Buxoro va boshqa hududlarda o‘tkazilgan tezkor tadbirlarda noqonuniy valyuta savdosi bilan shug‘ullangan shaxslar qo‘lga olindi.
Xususan, Qo‘shrabot tumanida fuqaro A.N. 3 900 AQSH dollarini 49,5 million so‘mga sotgan vaqtida ushlangan.
Urganchda fuqaro R.X. 4 000 dollarni 50,6 million so‘mga sotib olganida qo‘lga olingan. Buxoroda K.I. xuddi shunday miqdordagi valyutani 50,4 million so‘mga, G‘ijduvonda esa D.M. 3 500 dollarni 44,3 million so‘mga sotib olayotganida ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bo‘yicha jinoyat ishlari qo‘zg‘atilib, tergov harakatlari olib borilmoqda.
