Andijon shahrida bekatlardan birida yong'in yuz berdi. Hodisa haqida viloyat Favqulodda vaziyatlar boshqarmasi ma'lum qildi.
Qayd etilishicha, 6 iyun kuni soat 16:20 da 112 xizmatiga shaharning "Yaxshi" MFY, Pirmuhamedov ko'chasi yo'li bo'yida joylashgan bekatda yong'in chiqqanligi haqida xabar kelib tushgan.
Qutqaruvchilar soat 16:25 da hodisa joyiga etib borgan va yong'in 16:32 da to'liq o'chirilgan.
Hodisa oqibatida bekatning 20 kvadrat metr qismi zararlangan, jabrlanganlar qayd etilmagan.
Eslatib o'tamiz, avvalroq Jizzax viloyatida harakatlanayotgan yuk avtomobilida ham yong'in sodir bo'lgandi.
