O‘zbekiston va Turkiya huquqni muhofaza qiluvchi organlari o‘rtasidagi samarali hamkorlik natijasida, yirik miqdorda firibgarlik jinoyatini sodir etgan va xalqaro qidiruvda bo‘lgan xorazmlik 40 yoshli T.R. va Toshkentlik 38 yoshli F.A. Turkiya hududida aniqlandi va qo‘lga olindi.
O‘zbekistonning Istanbuldagi Bosh konsulligi ma’lumotlariga ko‘ra, mazkur shaxslar O‘zbekiston Ichki ishlar vazirligi xodimlari tomonidan belgilangan tartibda qabul qilinib, sud oldida javobgarlikka tortilishi uchun mamlakaga qaytarilgan.
Ta’kidlash joizki, so‘nggi yillarda O‘zbekiston va Turkiya huquqni muhofaza qiluvchi organlari o‘rtasidagi amaliy hamkorlik izchil rivojlanib bormoqda. Bu yo‘nalishda jinoyatchilikka qarshi kurashish, xalqaro qidiruvda bo‘lgan shaxslarni aniqlish va ularni javobgarlikka tortish bo‘yicha samarali natijalarga erishilmokda.
Hozirgi kunda ham mamakat hududida turli jinoyatlar sodir etgan, Turkiya hududida yashiringan boshqa shaxslarni aniqlish va qo‘lga olish bo‘yicha tezkor-qidiruv hamda huquqiy choralar davom ettirilmokda.
