Yangi sinoptik ma’lumotlarga ko‘ra, havodagi inversiya jarayoni kelgusi hafta oxirigacha, noyabr yakunigacha saqlanib turadi. Bu haqda O‘zgidromet xabar berdi.
Oldinroq inversiya holati 24 noyabrdan keyin ortga chekinishi kutlangan edi. Yangilangan prognozlarga ko‘ra, havo qatlamlarining aralashishiga to‘sqinlik qilayotgan ob-havo sharoyiti kelayotgan haftaning oxirigacha saqlanib turishi mumkin.
"Bu davrda havo sifati nobarqaror bo‘lishi tabiiy hol bo‘lib, ko‘rsatkichlar kun davomida o‘zgarib turadi. Havo sifati yaxshilanishi havo massalarining almashinishi, shamolning kuchayishi yoki yomg‘ir yog‘ishi bilan bog‘liq bo‘ladi", deyiladi xabarda.
