2026 yil 20–21 aprel kunlari Samarqand shahrida BMT Narkotiklar va jinoyatchilik bo‘yicha boshqarmasi bilan hamkorlikda «Jamoat salomatligi va xavfsizligini ta’minlash maqsadida transmilliy narkotahdidlarga qarshi kurashish» mavzusida yirik xalqaro forum tashkil etiladi.
Ushbu forumning asosiy vazifalari quyidagilardan iborat: noqonuniy narkotik aylanasiga qarshi kurashish samaradorligini oshirish;
xalqaro miqyosdagi ilg‘or tajribalarni o‘rganish va amaliyotga tatbiq etish;
zamonaviy narkotahdidlarga qarshi yangi, kompleks yondashuvlarni ishlab chiqish;
giyohvandlikka qarshi kurashda davlatlar va xalqaro tashkilotlar o‘rtasidagi hamkorlikni kuchaytirish.
Tadbirda quyidagilar ishtirok etishi rejalashtirilgan:
BMT, Interpol, Europa Ittifoqi, ShHT, MDH, Jahon bojxona tashkiloti va boshqa 20 dan ortiq xalqaro tuzilmalar vakillari;
50 ga yaqin davlatning huquqni muhofaza qiluvchi idoralari rahbarlari;
500 nafarga yaqin xalqaro ekspert va mutaxassislar.
