Vazirlar Mahkamasining 16 apreldagi qaroriga ko‘ra, pedagoglarni navbatdan tashqari attestatsiyadan o‘tkazish xizmati uchun to‘lov bazaviy hisoblash miqdorining 50 foizini (206 ming so‘m) tashkil etadi.
Shuningdek, o‘qituvchilar uchun bir qator davlat xizmatlari to‘lovlari ham ikki barobar arzonlashtirildi. Ular orasida kadastr xizmatlari, muhandislik tarmoqlariga ulanish, bilim darajasini baholash va sertifikat olish, shuningdek boshqa xizmatlar bor.
Bundan tashqari, kamida 15 yil stajga ega oliy toifali pedagoglarga ipoteka krediti uchun boshlang‘ich badalning 25 foizi qoplab beriladi. Arizalarni qabul qilish 20 aprel kuni soat 14:00 da boshlanadi.
