Endi talabalarni o‘qishga aloqador bo‘lmagan ishlarga jalb etish mumkin emas.
Adliya vazirligi ro‘yxatidan o‘tkazilgan yangi nizomga ko‘ra, oliy ta’lim tizimida talabalarning huquq va majburiyatlari aniq belgilab berildi.
Xususan, ular ta’lim sifat bo‘yicha taklif kiritish, muhokamalarda qatnashish va bepul axborot resurslaridan foydalanish huquqiga ega.
Eng muhimi, oliygohlarda talabalarni o‘qishga aloqasi bo‘lmagan ishlarga jalb qilish taqiqlandi.
Shuningdek, ta’lim jarayoni kredit-moduli tizimi asosida tashkil etilib, talabalarga xalqaro dasturlarda ishtirok etish imkoniyati ham yaratiladi.
