Ular safarni tashkil etgan shaxslar xatosi tufayli mushkul ahvolga tushgan.
Saudiya Arabistonida Umra ziyoratiga borgan 170 dan ortiq O‘zbekiston fuqarosi haligacha yurtiga qayta olmayapti.
Ular 14 kunlik safar bilan kelgan bo‘lsa-da, tashkilotchilarning yolg‘on ma’lumotlari sabab ortga qaytish muammosiga duch kelgan.
Ziyoratchilarning aytishicha, guruhning katta qismi keksa va turli surunkali kasalliklarga chalingan. Ular O‘zbekiston hukumatidan amaliy yordam so‘ragan.
Bosh konsulxona murojaatlar tegishli idoralarga yetkazilishini ma’lum qilgan, biroq jarayon vaqt olishi aytilgan.
Shuningdek, imkoniyat bo‘lsa, ziyoratchilarga o‘z hisobidan chipta olib qaytish tavsiya etilgan.
