O‘zbekistonda endi yaroqsiz holga kelgan davlat raqamini Yagona interaktiv davlat xizmatlari portali orqali masofadan turib almashtirish mumkin.
Qayd etilishicha, yangi xizmat orqali fuqarolar davlat raqamini yangilash uchun davlat idoralarida navbat kutib o‘tirmaydi. Buning uchun my.gov.uz portaliga kirib, “Shikast yetgan avtotransport vositasining davlat raqami belgisini tiklash” xizmatini tanlash va arizani to‘ldirish etarli. Ariza topshirishda shikastlangan davlat raqami fotosuratini ilova qilish talab etiladi.
To‘lov amalga oshirilgach, fuqaro ko‘rsatilgan hududiy bo‘linmaga borib, eski davlat raqamini topshiradi va yangisini oladi. Xizmat narhi bazaviy hisoblash miqdoriga asoslangan bo‘lib, bir juft raqam uchun 1 854 000 so‘m, bitta raqam uchun esa 927 000 so‘m etib belgilangan.
