Ukraina prezidenti Vladimir Zelenskiy ma'lum qilishicha, hodisa davomida yana bir necha kishi jarohatlangan.
Politsiya ma'lumotiga ko'ra, voqea poytaxtning Goloseevskiy tumanida ro'y bergan. Dastlab gumonlanuvchi ko'chadagi fuqarolarga o'q uzgan, keyin esa yaqindagi supermarketga kirib, u yerdagilarni garovga olgan.
Ukraina ichki ishlar vaziri Igor Klimenko bildirishicha, gumonlanuvchi supermarket ichida politsiyaga qarshi ham o'q uzgan. Huquqni muhofaza qiluvchilar tomonidan o'tkazilgan operatsiya davomida u yo'q qilingan.
Kiyev shahar hokimi kamida 15 kishi jarohat olganini ma'lum qildi. Ularning 10 nafari, jumladan bir bola, shifoxonaga yotqizilgan.
Bosh prokuratura rahbari Ruslan Kravchenkoning aytishicha, halok bo'lganlarning to'rt nafari ko'chada, yana biri esa supermarket ichida o'ldirilgan.
Gumonlanuvchi 58 yoshli, Moskvadan bo'lgan erkak ekani va u avtomat quroldan foydalanganini aytilmoqda.
Prezident Zelenskiyning aytishicha, garovga olingan to'rt kishi keyinchalik ozod qilingan.
