Украина президенти Владимир Зеленский маълум қилишича, ҳодиса давомида яна бир неча киши жароҳатланган.
Полиция маълумотига кўра, воқеа пойтахтнинг Голосеевский туманида рўй берган. Дастлаб гумонланувчи кўчадаги фуқароларга ўқ узган, кейин эса яқиндаги супермаркетга кириб, у ердагиларни гаровга олган.
Украина ички ишлар вазири Игорь Клименко билдиришича, гумонланувчи супермаркет ичида полицияга қарши ҳам ўқ узган. Ҳуқуқни муҳофаза қилувчилар томонидан ўтказилган операция давомида у йўқ қилинган.
Киев шаҳар ҳокими камида 15 киши жароҳат олганини маълум қилди. Уларнинг 10 нафари, жумладан бир бола, шифохонага ётқизилган.
Бош прокуратура раҳбари Руслан Кравченконинг айтишича, ҳалок бўлганларнинг тўрт нафари кўчада, яна бири эса супермаркет ичида ўлдирилган.
Гумонланувчи 58 ёшли, Москвадан бўлган эркак экани ва у автомат қуролдан фойдалангани айтилмоқда.
Президент Зеленскийнинг айтишича, гаровга олинган тўрт киши кейинчалик озод қилинган.
