AsosiyDunyo
28.12.2016 12:32
6803

Hindistonlik ayol mamlakat bosh vaziridan uning hisobiga qanday qilib 15 million dollar tushib qolganini so`radi

Hindistonda yashovchi ayol mamlakat bosh vaziri Narendra Modiga murojaat qilib, uning bankdagi hisob raqamiga qanday qilib milliard rupiy (15 million dollar) tushib qolganini tushuntirib berishni so`radi. Bu haqda “RIA Novosti” xabar bermoqda.  

India Today gazetasi bergan ma`lumotlarga ko`ra, 18 dekabr kuni Nyu-Delidagi G`oziobod shahrida yashovchi ayol 18 dekabr kuni o`zining bankdagi hisob raqamidan pul echish uchun Hindiston Milliy bankidagi terminalga plastik kartochkasini kiritadi. Terminal ekranida esa yirik miqdordagi summa aks etadi. Ayol ko`zlariga ishonmay yonida turgan kishidan balansi miqdori qanchaligini so`raydi. 

Yadav ismli ayol operasiyani boshqa terminal orqali amalga oshirishni istaydi, boshqa terminal ham yirik miqdordagi summani ko`rsatadi. Keyinroq ayol vaziyatga oydinlik kiritish maqsadida bankka murojaat qiladi. Biroq uning murojaati har safar javobsiz qoladi.

Shundan so`ng Yadav va uning turmush o`rtog`i hisob raqamiga katta miqdorda mablag` tushgani sabablariga oydinlik kiritish maqsadida bosh vazirga xat yozadi. 

Yadavning o`zi qadoqlash sexida ishlaydi va uning oylik maoshi 70 dollardan sal oshadi.

Boshqa yangiliklar