Yillar o`z muhrini insonlarning chehrasida qoldirar ekan. Yuzda ajin paydo bo`lishi 29-30 yoshdan belgilanadi. U avvalo fiziologik status bilan bog`liq, qolaversa, turli noto`g`ri mimik harakatlar tufayli ham erta ajin tushishiga o`zimiz sababchi bo`lishimiz mumkin. Krem, loson, turli-tuman niqob, toniklar ajinlarni tashqi tomondan silliqlab tursa-da, terining ichki qavatini ham yoshartirish foydadan holi bo`lmaydi. Sahifamizdan erta ajin tushmasligi, tushgan bo`lsa ularning ko`paymasligiga yordam beruvchi mahsulotlar va ayrim tavsiyalar o`rin olgan.
Yong`oqlar
Yong`oqlar boqiy yoshlik mevalaridir. Sababi ular tarkibidagi E vitamini va Q10 koenzim moddalari teri hujayralarini oziqlantirib, yoshartirish xususiyatiga ega. Buning uchun istagan yong`oq mag`zidan kuniga 50 gr. eyish kifoya.
Qizil va olovrang mevalar
Yuzning tiniq rangi shu tusdagi mevalar iste`moliga bog`liq. Sabzi, pomidor, qovoq, o`rik tarkibida teri hujayralarini yangilovchi beta-karotin moddasi mavjud. Darvoqe, ko`pgina kremlar tarkibiga kiruvchi retinol, bu — A vitamini bo`lib, karotin ta`sirida organizmda ishlab chiqariladi.
Nordon va reza mevalar
Apelsin, kivi, qorag`at, greypfrut tarkibida S vitamini juda ko`p. U qarishni sekinlashtiruvchi kollagen hosil bo`lishiga yordam beradi.
Yog`li baliq
Losos, sardina, seld, skumbriya kabi dengiz baliqlari A va D vitaminlari, omega-3 yog` kislotasiga boy. Qon aylanishi va shamollashni engish xususiyatiga ega.
Turli bo`tqalar
Ular tarkibidagi kremniy moddasi kollagen ishlab chiqarishda qatnashadi. Shuningdek, organizmdagi turli shlak va zaharli moddalarni chiqarib tashlab, terining yaxshilanishiga xizmat qiladi.
Anor
Bu meva teri osilib qolishining oldini oladi. U teridagi elastik xususiyatni kuchaytirib, turli shikastlanishlar, yosh bilan bog`liq o`zgarishlarni tezda bartaraf etadi.
Zaytun yog`i
Ma`lumki, quruq teri eng tez qaruvchi teri hisoblanadi. Zaytun yog`i esa boshqa mahsulotlarga qaraganda 3 karra ko`proq yog` kislotasiga ega bo`lib, teri hujayrasining qayta tiklanishini kuchaytiradi.
Tvorog
Tvorog selen va E vitamini kabi kuchli antioksidant degani. U erta qarishga yo`l qo`ymaydi. Tarkibidagi kalsiy esa tish va butun organizmdagi suyaklar mustahkamligiga javobgar.
Ko`k choy
Choylarning «sarvari» ham antioksidantlar ichida etakchi o`rinlarda turadi. Buning uchun kuniga 3-4 piyola ko`k choy ichish kerak. Ko`z ostida paydo bo`ladigan «qopcha»larni ham (bu ham yosh bilan bog`liq holda yuzaga keladi) choyni paxtaga botirib qo`yilgan kompress orqali yo`qotish mumkin.
Yuzingizga ajin tushayotgan bo`lsa…
Yuvinishda: ayniqsa ajin paydo bo`layotganda vodoprovod suviga yuvinmang. Yosh qizlar teng miqdordagi qaynagan suv va sut aralashmasiga yuvinishi kerak. Katta yoshdagi ayollar esa uyquga yotishdan oldin o`simlik yog`i (yaxshisi, zaytun yog`i)ni yuziga surtishi lozim. Yuvinishda aslo sovun ishlatmang. O`rniga tuxum sarig`iga 1 osh qoshiq zaytun yog`i qo`shilgan aralashmani ishlating. Cho`milmoqchi bo`lsangiz, avval yuzga yog`li krem surting. U yuzni suvdagi xlor ta`siridan saqlab turadi.
Bo`yanishda: hadeb yuzingizni upalavermang. O`rniga oziqlantiruvchi kremlardan foydalaning.
Uqalash
Ajin tushgan yuzni uqalash ham samara beradi. Bunda qo`l harakatlarini ajinga ko`ndalang tarzda yo`naltiring, ko`z atrofi, qovoq ustidan tashqaridan ichkari tomon oziqlantiruvchi krem bilan 5-6 daqiqa uqalanadi.
Ajinlarni yuzakilashtiruvchi niqoblar
2 choy qoshiq yog`li tvorogga 1 choy qoshiqdan istalgan meva sharbati va kamfora yog`i, yarimta tuxum sarig`i qo`shing.
1 dona tuxum sarig`iga 1 choy qoshiqdan o`simlik yog`i (yaxshisi, zaytun yog`i) moychechak ekstrakti damlamasini aralashtiring.
Niqoblarni 15 daqiqadan so`ng moychechak damlamasi yoki ko`k choy bilan yuving.
Ajinlarni kamaytirish maqsadida mezoterapiya, boteks va turli gellar bilan muolajalar ham qilinadi.
Dilnoza UMAROVA
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...03.12.2020, 19:22
Insoniyatning etnik xilma-xilligini o`rganish uchun "Go`zallikning kelib chiqishi" nomli loyiha tashkil etildi. Millatlar go`zalliklari o`rtasidagi tafovutni namoyon etish uchun turli mamlakat vakillari suratga tushirilmoqda.Loyihada 18 yoshdan...