O`zbekiston Respublikasi fuqaroligiga qabul qilish to`g`risida Prezident farmoni imzolandi.
Mamlakatimizda barcha sohalarda amalga oshirilayotgan keng ko`lamli islohotlar, avvalo, demokratik huquqiy davlat barpo etish, fuqarolik jamiyatini rivojlantirish, inson manfaatlarining to`laqonli himoyasi hamda qonun ustuvorligini ta`minlashga qaratilgan.
O`zbekiston fuqarolikka qabul qilish borasida ham qonuniylik, insonparvarlik va ijtimoiy bag`rikenglik tamoyillariga asoslangan holda inson manfaatlariga rioya qilinishini ta`minlash chora-tadbirlarini tizimli ravishda amalga oshirib boradi.
Shu bilan birga, O`zbekiston Respublikasi demokratik qadriyatlar va xalqaro huquqning umume`tirof etilgan tamoyillariga sodiqligini namoyon etib, Inson huquqlari umumjahon deklarasiyasi g`oyalari asnosida har bir insonning fuqarolikka bo`lgan huquqlari amalga oshirilishini kafolatlaydi.
O`zbekiston Respublikasining fuqaroligiga kelib chiqishi, ijtimoiy va mulkiy holati, irqi, millati, jinsi, ma`lumoti, tili, dinga munosabati hamda siyosiy va boshqa e`tiqodidan qat`iy nazar, “O`zbekiston Respublikasining fuqaroligi to`g`risida”gi Qonun kuchga kirgan vaqtda turli ob`ektiv va boshqa hayotiy sharoitlarga ko`ra mamlakat tashqarisida bo`lgan mahalliy aholi, shuningdek, boshqa mamlakatlarda tug`ilib-o`sib, O`zbekistonni o`z Vatani sifatida dildan tan olgan, uning taraqqiy etishi va gullab-yashnashi uchun munosib hissa qo`shganlar qabul qilinishi mumkin.
O`zbekiston Respublikasi Konstitusiyasining 93-moddasi 22-bandi, “O`zbekiston Respublikasining fuqaroligi to`g`risida”gi O`zbekiston Respublikasi Qonunining 17, 30-moddalariga muvofiq 94 nafar shaxslarning arizalari qanoatlantirilib, O`zbekiston Respublikasi fuqaroligiga qabul qilindi.
Farmon ijrosini nazorat qilish O`zbekiston Respublikasi Prezidenti Davlat maslahatchisining birinchi o`rinbosari S.I.Samadov zimmasiga yuklandi.
To`liq ro`yxat bilan O`zAda tanishishingiz mumkin.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
21.10.2022, 13:45
Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
