Xonanda Jahongir Otajonovning konsert taqdim etishda o`ziga xos qarashlari bor. Aytaylik, u hech qachon konserti uchun maxsus libos, sahna bezagi uchun dekorasiya tanlamaydi. Aniqroq aytadigan bo`lsak oddiylikni ma`qul ko`radi.
Bu gal esa hammasi o`zgacha bo`ldi. Xonanda sahnaga har kungi libosida ham chiqib kelishi mumkinligini bilganimiz bois, undan tomoshabin jonli ijro va yangi qo`shiqlardan boshqa deyarli hech narsa kutmaydi. Biroq bu safar Jahongir Otajonov ehtimol yuqoridagi aytib o`tilgan jihatlarga nisbatan tanqidlar bo`lgani sabablimi dasturi uchun maxsus libos tayyorladi. Bashang bo`lmasada ushbu libosning musiqachilar bilan uyg`unlikda tanlanganining o`zi Jahongir Otajonov sahnadagi ko`rinishi ustida biroz bosh qotirganidan dalolat. Xonandaning o`ziga yarashgan bosh kiyimi ham unga o`ziga xos sahna ko`rinish berib turdi.
11-13 mart kunlari “Turkiston” saroyida bo`lib o`tgan “Lola” nomli dasturi davomida xonandaning o`zi ogohlantirganiday deyarli yangi tarona yangramadi. Xonanda faqatgina ikkita yangi tarona kuyladi, bular o`sha barcha orasida shov-shuv bo`lgan Yulduz Usmonovaga javob shakilida kuylangan tarona hamda Muhammad Yusufning “Lola” nomli she`riga bastalangan qo`shiqlardir.
Xonanda o`zi aytganiday “Turkiston” saroyining kichikligi sababli tomoshabin bilan yaqinligi sezildi.
Darvoqe, bu safar Jahongir Otajonovning konsert dasturiga san`at ahli vakillari ham tashrif buyurishdi. Tashrif buyurganlar orasida aktyor Alisher Uzoqov, “Bojalar” guruhi Jahongir Poziljonov, Otabek Mirzaholov, qiziqchi Halima Ibragimovalar bor edi.
«Mening ham konsertimga san`atkorlar kelarkan-ku», dedi xonanda hazilomuz tarzda tomoshabinga murojaat qilar ekan.
Konsert Jahongir Otajonovning an`anasiga sodiq holda jonli ijroda o`tdi. Unda xonandaning turli yo`nalishdagi taronalari jarang sochdi, ayniqsa uning xorazmcha yo`nalishdagi qo`shiqlari yig`ilganlarga o`zgacha zavq ulashdi. Xonanda ijrosidagi raqslar, harakatlar muxlislarining gulduros olqishlariga sazovor bo`ldi.
Darvoqe, xonanda avval konsert dasturiga homiylik qilish istagida bo`lganlar borligi buning ustida o`ylayotganligini aytib o`tgan edi. Darhaqiqat, uning bu safargi konserti uy-joy qurilishi va uni ipotekasi bilan shug`ullanadigan tadbirkorlar homiyligida o`tdi. Xonanda konsert dasturida ularni reklama qilishni ham uddaladi. Jahongir Otajonov agar kimdan-kim ulardan uy-joy xarid qilsa uy to`yiga o`zi borib qo`shiq kuylab berishini, buning harajatlarini esa o`sha uy sotganlar qoplashini ham aytib o`tdi.
Xulosa qilib aytganda xonandaning samimiy ruhda o`tgan konsertidagi ko`tarinki kayfiyat tomoshabinlarda keyingi konsertgacha saqlanib qolishi shubhasiz.
Aytmoqchi, xonandaning keyingi konserti kuz faslida bo`lib o`tishi kerak, sababi u bundan keyin har chorakda konsert taqdim etishni rejalashtirayotgani haqida matbuot anjumanlarida ma`lum qilgandi.
25.04.2024, 07:33
Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...01.04.2024, 16:31
Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...21.02.2024, 17:28
Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...13.02.2024, 09:36
Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...