​Tvorogdan dasturxoningiz uchun 4 xil resept

1. Obakidandonlar

Zarur masalliqlar: 350 gr. tvorog, 50 gr. yong`oq, 150 gr. maydalangan pechene, shakar, shokolad, bir chimdim vanilin.

Tayyorlanishi:

Tvorogni blenderda mayinlashtirib oling. Shakar, vanilin, maydalangan pechene va yong`oqni solib yaxshilab aralashtiring. Tayyor qorishmadan kichkina sharchalar yasab olib, suv bug`ida eritilgan shokoladga botirib oling. 1 soat davomida muzlatgichda turganidan keyin dasturxonga tortsangiz bo`ladi.

2. Panna-kotta

Zarur masalliqlar: 400 gr. tvorog, 300 gr. smetana, 200 gr. sut, 15 gr. jelatin, qand upasi.

Tayyorlanishi:

Jelatinga qaynagan suv quyib, iving. Blender yordamida sut va tvorogni aralashtiring. Jelatinni tvorogga qo`shib, yana blenderda aralashtiring. Keyin qand upasini qo`shib, oxirgi marta blenderga murojaat qilasiz. Tayyor massani keks qoliplariga solib, muzlatgichga 25–40 daqiqaga qo`ying. Reza mevalar bilan bezab, dasturxonga torting.

3. Chuchvaralar

Zarur masalliqlar: 400 gr. quruq tvorog, 1 osh qoshiq shakar, 2 dona tuxum, 1 stakan un, bir chimdim tuz.

Tayyorlanishi:

Avvaldan qozonda suvni qaynatib qo`ying. Tvorog, tuxum, shakar va unning yarmini aralashtirib xamir tayyorlang. Stolga qolgan unni sepib, tvorogli xamirni eµtiyotkorlik bilan o`rtacha qalinlikdagi rulet shaklga keltiring. O`ramdan kichik-kichik bo`laklarni kesib oling-da, qaynayotgan suvga soling. 3–5 daqiqada tayyor bo`ladi. Smetana yoki murabbo bilan esangiz, mazasi og`zingizda qoladi.

4. Keks

Zarur masalliqlar: 200 gr. tvorog, 2 osh qoshiq smetana, 2 dona tuxum, 2 osh qoshiq sariyog`, 1 stakan un, 1 stakan shakar, 0,5 choy qoshiq iste`mol sodasi.

Tayyorlanishi:

Tvorog, tuxum, smetana va yumshatilgan sariyog`ni atalab oling. Boshqa idishda esa un, shakar va iste`mol sodasini aralashtirasiz. Suyuq va quyuq qorishmalarni birlashtiring. Keks qolipiga solib, 180 darajada qizdirilgan gaz pechida 35-45 daqiqa pishirib oling.