O`zbekiston xalq artisti Yulduz Usmonovaning 9-23 aprel kunlari “Istiqlol” san`at saroyida bo`lib o`tayotgan “Ey aziz inson” deb nomlangan konsert dasturi anshlag tarzida o`tmoqda.
20 aprel kuni bo`lib o`tgan konsertga O`zbekiston Prezidenti Shavkat Mirziyoevning oilasi tashrif buyurdi va Yulduz Usmonovaga ulkan guldasta taqdim etdi.
Yulduz Usmonovaning ushbu guldasta yonida tushgan suratlari uning “Instagram”dagi rasmiy sahifasidan ham joy oldi va quyidagicha izohlandi:
“Prezident oilasining gullar savati. Yulduz Usmonovaga qimmatli sovg`a”.
Ma`lumotlarga ko`ra, konsertga Prezidentning rafiqasi, qizlari, kuyovlari va nabiralari tashrif buyurgan.
