“Manchester Yunayted” jamoasi rahbariyati darvozabon David De Xeani “Real”ga sotish borasida takliflarni ko`rib chiqmoqchi.
Ingliz nashrlarining ma`lum qilishicha, “MYu” ispaniyalik posbon bo`yicha “Real” bilan muzokara boshlashga tayyor. Mankunianlar De Xeani sotib yuborsa, ijara asosida “Torino”da o`ynayotgan “Manchester Siti” posboni Jo Xartni klubga taklif qiladi.
Ma`lumot uchun, David De Xea 2015 yilning yozgi transferi oxirgi kunida texnik sabablarga ko`ra “Real”ga o`tolmay qolgandi. Shundan so`ng darvozabon “MYu” bilan 2019 yilga qadar davom etadigan yangi shartnoma tuzgan edi.
