​Tirnoqlaringiz sinuvchan va mo`rtmi?

Muammoning echimi bor!

1 osh qoshiq osh tuzini iliq suvda eritib, 2 tomchi yod eritmasini qo`shing. Engil aralashtiring-da, 15 daqiqaga qo`llaringizni solib o`tiring. Tuzli vanna sinuvchan tirnoqlar uchun jyda foydali. Faqat bir sharti bor: muolajadan so`ng qo`llar chayilmaydi va 15 kun davomida muntazam bajariladi.

Yangi archilgan limon po`sti bilan tirnoqlarni bir sidra artib oling. Bu muolaja nafaqat tirnoqlarni mustahkamlaydi, balki tirnoq atrofidagi terini yumshatib, dag`allashishidan himoyalaydi.

Dorixonalarda qavatma-qavat bo`lib ko`chib tushayotgan tirnoqlar parvarishi uchun maxsus kremlar mavjud. Bunday kremni tirnoqqa yaxshilab surtib, ertalabgacha qoldiriladi.

Tirnoq plastinkasi yupqalashib, so`ng sinib ketaversa, bir haftada 2 marta zaytun yog`ini yordamga chaqiring. Tirnoq atrofiga zaytun yog`idan surtib, engil uqalang. Yog` tirnoq atrofidagi teri va tirnoq plastinkasiga shimilishi kerak.

Sinuvchan tirnoqlarni har hafta qaychilab turish lozim. Shunda uchi kaltalanib, asosi mustahkamlanib boraveradi. Yuzasi ko`chayotganida ahamiyat berilmasa, muammo tirnoq asosiga etib borishi mumkin.

Muammoning yana bir echimi: ikki hafta davomida lak surtmay, rangsiz bo`yoqdan foydalaning. Tirnoqlaringiz o`ziga kelib olgach, yana rang berishingiz mumkin.

Uydagi muolajalar yordam bermasa, go`zallik salonlarida parafin yordamida davolash choralari ham bor. Agar tirnoqlardagi sinuvchanlik uzoq davom etsa yoki tez-tez qaytalansa endokrinolog ko`rigi ham maqsadga muvofiqdir.