Qulupnayli parhezda har kuni 4 stakan qulupnay iste`mol qilish talab etiladi. Qulupnay shirin bo`lishiga qaramay, uning tarkibida shakar (uglevod) boshqa reza mevalarga qaraganda minimal darajada mavjud.
Parhez vaqtida shirinlik, qandalot mahsulotlari, non mumkin emas.
1. Perhezning birinchi kuni uchun taomnoma
Nonushta: 1 stakan qulupnay, yashil olma, 1 stakan yog`siz kefir, bir osh qoshiq asal — hammasini mayda to`g`rab, salat tayyorlang.
Tushlik: 1 stakan qulupnay. 2 ta bodring, 50 gram qaynatilgan tovuq, yarimta limon sharbati, bitta yong`oq, ko`katlar va bir choy qoshiq o`simlik yog`i bilan salat tayyorlab eng.
Tolmachoy: bir stakan qulupnay.
Kechki ovqat: 1 stakan qulupnay, 100 gr. qaynatilgan kartoshka, o`rtacha piyoz, 50 gr. yog`siz tvorog, yarim stakan kefir va yarimta limon sharbatidan salat.
2-kun
Nonushta: 1 stakan qulupnay va 1 stakan kefir.
Tushlik: qulupnay qo`shilgan 3 ta quymoq (shakar qo`shmang)
Kechki ovqat: 100 gr. karam va bir stakan qulupnaydan salat.
3-kun
Nonushta: 1 stakan qulupnay.
Tushlik: 1 stakan qulupnay, yarimta banan va 100 gr. qaynatilgan tovuq go`shti
Kechki ovqat: 70 grammdan qaynatilgan kartoshka, sabzi va karamdan salat. 1 stakan qulupnay.
4-kun
Nonushta: 1 stakan qulupnay va 50 gr. pishloq.
Tushlik: 1 stakan qulupnay, 100 gr. dimlangan baliq go`shti, salat bargi, o`rtacha piyoz va 1 choy qoshiq o`simlik yog`idan salat, 1 stakan qulupnay
Kechki ovqat: 100 grammdan karam va qulupnaydan salat.
Yodda tuting!!! Surunkali kasalliklari bor insonlar ushbu parhezni parhezshunoslar bilan maslahatlashgan holda qilishlari shart. Qulupnayli parhezni dam olish kunlari yoki ta`tilda tutish tavsiya etiladi, chunki ko`p energiya yo`qotasiz. Parhezni 2 oy o`tibgina qaytarish mumkin.
