1

​Alisher Fayz konsertida 4200 muxlisi bilan selfi tushdi(Foto)

Shou-biznes 19.05.2017, 14:56
Teglar: Foto, Selfi, Instagram, Konsert, ​Alisher Fayz
​Alisher Fayz konsertida 4200 muxlisi bilan selfi tushdi(Foto)

17 may kuni muhtasham “Istiqlol” san`at saroyida xushovoz xonanda, betakror qo`shiqlari bilan muxlislar qalbidan alohida o`rin egallagan Alisher Fayzning konsert dasturiga start berildi. O`zbekistonda xizmat ko`rsatgan artist Alisher FAYZ bu yil ijodining 12 yilligi va 10-yubiley konsertini o`tkazmoqda. Konsert bosh prodyuseri—Lutfulla Allaqulov. Xonandaning liboslar dizayneri — Shahnoza Qayumbekova.

Konsert boshlovchisi Muzaffarbek Mirzabekov. Dasturda so`z ustasi Avaz Oxun ham ishtirok etdi. Raqslarni “Parizod”, "Suvoriylar" raqs ansambllari va professional raqqosa Iroda Ismoilova ijro etdi.

Konsertda jami 22 ta qo`shiq ijro etildi. Konsert boshlovchisi Muzaffar Mirzabekov dasturni ochiq deb e`lon qilgach, sahnada O`zbekiston xalq artisti Afzal Rafiqov o`qigan prolog yangradi. So`ng parda ochilib, sahnaga Alisher Fayz "Kerakmas" qo`shig`ini kuylab chiqib keldi. Xonandaning ta`rifi bilan aytganda, bu yilgi 10-konsert va 12 yillik ijod - muchal to`yi muxlislarga eslatma bo`ldi. Va sahnani aylana tarzda qoplagan katta ekranda Alisher Fayzning 12 yillik ijodidan lavhalar ko`rsatilib, ketma-ketlik "Hayot" qo`shig`i bilan ta`sirchan tus oldi

Xonanda ustoz san`atkor Rustamqori Tursunovning “Eslagin” qo`shig`ini qayta kuyladi. Raqsida professional raqqosa Iroda Ismoilova bo`ldi. Xonanda bu yil muxlislariga kutilmagan sovg`a hozirlagan ekan. Aniqrog`i, har bir qatorda o`tiradigan tomoshabinni ta`riflab qo`shiq kuyladi. Alisher Fayz an`anaga ko`ra ustozining nabira shogirdi Jasur Abdulxairovni katta sahnaga olib chiqdi. "Tug`ilgan kuningda" qo`shig`i ham sahnalashtirilgan sahna ko`rinishi bilan namoyish etildi. Gohida xizmat safarlarida yurib, yorining tug`ilgan kunida yonida bo`lolmagan erkaklarimizning nomidan kuylangan qo`shiq bo`lsa ajabmas.

Alisher Fayz muxlislarini quvontirishda davom etib, “Fransuzcha” qo`shig`i kuylash mobaynida qo`l telefonida tomoshabinlarni videoga oldi va qo`shiq so`nggida ular bilan selfi tushdi.

Xonanda yoshligini xotirlab, ko`zda yosh bilan “Olib ket” qo`shig`ini kuyladi. Tomoshabinlar ham xonanda singari ko`zyoshlarini yashira olishmadi.

Fayz “Anjanchasiga” choylashdi. Ustozi Ozodbek Nazarbekovning shu nomli qo`shig`ini kuylab, barchani o`ynatdi. Muxlislar olib kelgan gullar konsertning har kuni rekord darajani o`rnatyapti, desak mubolag`a bo`lmaydi.Bu yil xonandaning sahnaga chiqadigan ijodiy jamoasida o`zgarishlar bo`ldi. 3-blok boshlanishidan avval sahnaga qiziqchi Avaz Oxun chiqdi. Gap shundaki, xonanda bu gal muxlislari sahnada kimni ko`rishni istashi haqida so`rovnoma o`tkazib, ularning fikrlaridan kelib chiqqan holda qiziqchi Avaz Oxunni konsertga taklif qilgan.

Konsertdagi eng ta`sirli qo`shiqlardan biri bu - “BUYuKLAR” qo`shig`i bo`ldi. Birinchi Prezidentimizga bag`ishlab kuylangan qo`shiq ijro etilganida tomoshabinlar tik turib qarsak chaldi.

Noodatiy mavzularni qo`shiq qilishni yaxshi ko`radigan xonanda bu gal ham an`anasidan chekinmadi. Er-xotinning orasiga tushadigan "ustoz"lar haqida “YoRIM YaXShI-Yu...” qo`shig`ini kuyladi.

Bir so`z bilan aytganda, Alisher Fayz doimgidek kutilgan konsertni kutilmagan sovg`alar bilan boyita olishning uddasidan chiqdi.


MY VIDEO 18.05.2017
Publikasiya ot Prodyuser: (98) 124 44 04 (@alisherfayz_official)
















Sharhlar

Xitoyda ertalabdan o`zini baxtsiz his qilganlar ishga kelishi shart emas

25.04.2024, 07:33

Xitoyning Xenan provinsiyasidagi chakana savdo tarmog`i asoschisi Yu Donglay xodimlarga ish va hayot muvozanatini yaxshilashga yordam berish uchun “baxtsiz ta`til” kunlarini joriy qildi, deb yozadi...
U nega qamalganini ochiqladi

01.04.2024, 16:31

Ijtimoiy tarmoqlarda Solixon domla nomi bilan tanilgan Solixon Ortiqxo`jaev 15 sutkaga qamaldi. Bu haqda Toshkent shahar sudlari Darakchi.uz ga xabar berdi.2024 yil 30 mart Toshkent...
Pedagoglarni 3 yil kuttirgan qonun nihoyat imzolandi

21.02.2024, 17:28

Xabaringiz bor, 2024 yil 1 fevral kuni “Pedagogning maqomi to`g`risida”gi Qonun imzolandi. Undagi pedagoglar uchun eng asosiy o`zgarishlardan biri – endi maktabga yangi ishga kirgan...
⚡️iPhone 16 ko`rinishi e`lon qilindi

13.02.2024, 09:36

Tvitterda Majin Bu taxallusi ostida yashiringan taniqli Apple insayderi yangi avlod iPhonelari haqida yangi ma`lumotlar bilan bo`lishdi. Insayder xabaridan ma`lum bo`lishicha, kompaniya bir vaqtning o`zida...
Ob-havo: Toshkent
Valyuta kursi
1