Sevimli

​“O`g`limning sevganini boshqaga uzatishmoqchi...”

SUG'DIYONA 05.06.2017, 16:30
Teglar: Ona va bola
​“O`g`limning sevganini boshqaga uzatishmoqchi...”

— O`g`lim maktab davridan bir qizni yaxshi ko`rgan. Deyarli 8 yildan beri gaplasharkan. Ikki yil avval sovchilikka ammalarini yubordim, qiz tomon kollejni bitirib olsin, deyishdi. Yaqinda esa rozilik berolmasliklarini aytishdi. Bunga bosh sababchi — qizning otasi. U rahbar odam, uyida ham rahbarligini qilayotgan ekan. Qizini bir do`stining o`g`liga bermoqchi. Bundan o`g`limning siqilyapti. Uni ko`rib, mening yuragim ezilyapti. Xasta bo`lsamg`da, sovchilikka o`zim ham bordim. Lekin otasi meni eshitmay eshigidan haydab soldi. Jahlim chiqib, qizning onasiga qo`ng`iroq qildim, o`g`limni boshqa bezovta qilmasliklarini so`radim. O`g`lim bundan xabar topib, “nega qo`ng`iroq qilasiz”, deb meni koyidi. Men unga otaning roziligisiz hech nima qilolmasligini tushuntira olmayapman. Hozir juda asabiy, tajang bo`lib qolgan, gapirsam do`q-po`pisa bilan javob qaytaryapti. Bu vaziyatda o`g`limga qanday munosabatda bo`lay?

Fotima, 48 yosh. Farg`ona

Savolga psixolog Shahnoza Xalilova javob berdi:

— O`zingizni ayblamang. O`g`lingiz bunday holatda siqilishi, jizzaki bo`lib qolishi tabiiy. Chunki bunga sabab bor. Albatta, xavotirlaringiz o`rinli, biroq bu bilan o`g`lingizga yordam berolmaysiz. Ona xavotirlar bilan esam, balki kuchli ishonch bilan farzandini kuchli qila oladi. Shuningdek, bo`layotgan vaziyatni hadeb tahlil qilaverib, savollarni ko`paytirish kerak emas, bu bilan ochiq yaraga tuz sepgan bo`lasiz. Vaziyatni o`nglash sizning qo`lingizda bo`lmagandan keyin, uni o`z holiga tashlab qo`yish, vaqt berish, sabr qilish ma`qul bo`ladi. Hayot past-balandliklardan iborat-ku, kimning hayoti bir tekis? O`zingizning misolingizda ham aytish mumkin, ana shu hayotning past-balandliklaridan o`tib kelyapsiz, sinovlariga bardosh qilyapsiz... Bu bilan inson pishadi, chiniqadi, yanada kuchli bo`ladi, shunday emasmi? Erkak kishilar, odatda, o`z muammolarini yolg`iz o`ylaydi, echim topish uchun ham yolg`iz bo`lishni istaydi. O`g`lingizni ham, o`zingizni ham aybdorlik hissi bilan qiynamang. Muhabbat ham sinov. O`g`lingizga mana shu jihatlarni ayting va ko`proq o`z holiga qo`ying.

Munisa ALIEVA tayyorladi

Sharhlar

ShIFOKORLAR VA TURMUSh O`RTOG`INING TALABIGA KO`NMAY, NOGIRON BOLANI VOYaGA ETKAZGAN AYoL (FOTO)

07.07.2017, 11:59

1988 yilda xitoylik Szou Xongyan (Zou Hongyan) o`g`ir farzand ko`rgan edi, deb yozdi Pozitivno.me nashri . Ammo tug`ruq asoratsiz o`tmadi. Ayolning o`g`lida serebral falajlik aniqlanib,...
​Amerikalik ayol semizligi uchun o`g`lini yoqib yuborishga harakat qildi

06.07.2017, 16:42

Amerikalik polisiyachilar qabristonda ro`y bergan voqeani o`rganmoqda, deb xabar berdi Ntv.ru nashri. 48 yoshli Sherri Rixter o`g`lining haddan ortiq semizligi tufayli undan qutulmoqchi bo`ldi. Ayol...
​Lola har bir ona farzandiga tez-tez aytishi lozim bo`lgan 6 ta iborani sanab o`tdi

04.07.2017, 11:06

Xonanda Lola Instagram`dagi sahifasi orqali yosh bolalarga ota-onalar tomonidan tez-tez aytilishi kerak bo`lgan iboralarni yozib qoldirdi. “Farzandingiz og`ir-bosiq, baxtli, o`ziga ishonchi yuqori bo`lib ulg`ayishini, eng...
​Tayvanda qarimaydigan ayollar oilasi yashashi aniqlandi (Foto)

29.06.2017, 16:48

Tayvanda yillar o`tgan sari qarimaydigan ayollar oilasi yashashi aniqlandi, deb xabar berdi Tengrinews.kz nashri.Mazkur oilada nafaqat uch opa-singil, balki ularning onasi ham juda yosh ko`rinadi....