— Ўғлим мактаб давридан бир қизни яхши кўрган. Деярли 8 йилдан бери гаплашаркан. Икки йил аввал совчиликка аммаларини юбордим, қиз томон коллежни битириб олсин, дейишди. Яқинда эса розилик беролмасликларини айтишди. Бунга бош сабабчи — қизнинг отаси. У раҳбар одам, уйида ҳам раҳбарлигини қилаётган экан. Қизини бир дўстининг ўғлига бермоқчи. Бундан ўғлимнинг сиқиляпти. Уни кўриб, менинг юрагим эзиляпти. Хаста бўлсамғда, совчиликка ўзим ҳам бордим. Лекин отаси мени эшитмай эшигидан ҳайдаб солди. Жаҳлим чиқиб, қизнинг онасига қўнғироқ қилдим, ўғлимни бошқа безовта қилмасликларини сўрадим. Ўғлим бундан хабар топиб, “нега қўнғироқ қиласиз”, деб мени койиди. Мен унга отанинг розилигисиз ҳеч нима қилолмаслигини тушунтира олмаяпман. Ҳозир жуда асабий, тажанг бўлиб қолган, гапирсам дўқ-пўписа билан жавоб қайтаряпти. Бу вазиятда ўғлимга қандай муносабатда бўлай?
Фотима, 48 ёш. Фарғона
Саволга психолог Шаҳноза Халилова жавоб берди:
— Ўзингизни айбламанг. Ўғлингиз бундай ҳолатда сиқилиши, жиззаки бўлиб қолиши табиий. Чунки бунга сабаб бор. Албатта, хавотирларингиз ўринли, бироқ бу билан ўғлингизга ёрдам беролмайсиз. Она хавотирлар билан эсам, балки кучли ишонч билан фарзандини кучли қила олади. Шунингдек, бўлаётган вазиятни ҳадеб таҳлил қилавериб, саволларни кўпайтириш керак эмас, бу билан очиқ ярага туз сепган бўласиз. Вазиятни ўнглаш сизнинг қўлингизда бўлмагандан кейин, уни ўз ҳолига ташлаб қўйиш, вақт бериш, сабр қилиш маъқул бўлади. Ҳаёт паст-баландликлардан иборат-ку, кимнинг ҳаёти бир текис? Ўзингизнинг мисолингизда ҳам айтиш мумкин, ана шу ҳаётнинг паст-баландликларидан ўтиб келяпсиз, синовларига бардош қиляпсиз... Бу билан инсон пишади, чиниқади, янада кучли бўлади, шундай эмасми? Эркак кишилар, одатда, ўз муаммоларини ёлғиз ўйлайди, ечим топиш учун ҳам ёлғиз бўлишни истайди. Ўғлингизни ҳам, ўзингизни ҳам айбдорлик ҳисси билан қийнаманг. Муҳаббат ҳам синов. Ўғлингизга мана шу жиҳатларни айтинг ва кўпроқ ўз ҳолига қўйинг.
Муниса АЛИЕВА тайёрлади
07.07.2017, 11:59
1988 йилда хитойлик Цзоу Хонгян (Zou Hongyan) ўғир фарзанд кўрган эди, деб ёзди Pozitivno.me нашри . Аммо туғруқ асоратсиз ўтмади. Аёлнинг ўғлида церебрал фалажлик аниқланиб,...06.07.2017, 16:42
Америкалик полициячилар қабристонда рўй берган воқеани ўрганмоқда, деб хабар берди Ntv.ru нашри. 48 ёшли Шерри Рихтер ўғлининг ҳаддан ортиқ семизлиги туфайли ундан қутулмоқчи бўлди. Аёл...04.07.2017, 11:06
Хонанда Лола Instagram`даги саҳифаси орқали ёш болаларга ота-оналар томонидан тез-тез айтилиши керак бўлган ибораларни ёзиб қолдирди. “Фарзандингиз оғир-босиқ, бахтли, ўзига ишончи юқори бўлиб улғайишини, энг...29.06.2017, 16:48
Тайванда йиллар ўтган сари қаримайдиган аёллар оиласи яшаши аниқланди, деб хабар берди Tengrinews.kz нашри.Мазкур оилада нафақат уч опа-сингил, балки уларнинг онаси ҳам жуда ёш кўринади....