​Organizmni tozalovchi 7 xil salat!

SUG'DIYONA 08.06.2017, 12:03
Teglar: Taom, Salomatlik
​Organizmni tozalovchi 7 xil salat!

Issiq mavsumda yog`li, qattiq qovurilgan taom va eguliklar oshqozonga og`irlik qilishi mumkin. Bu vaqtda asosan engil hazm bo`luvchi salatlar tavsiya etiladi. Quyida tez tayyorlanadigan, foydali, me`da va ichaklarni tozalaydigan salat reseptlari bilan tanishtiramiz.

MASALLIQLAR MIQDORINI OILA A`ZOLARINING SONIDAN KELIB ChIQIB o`zingiz belgilaysiz.

Karam+lavlagi

Tarkibi: karam, qizil lavlagi, sabzi, limon sharbati, o`simlik yog`i, pichoq uchida tuz.

Tyyorlanishi: Barcha masalliqlar xomligicha ishlatiladi. Sabzavotlarni somoncha shaklida to`g`rab, tuz, limon sharbati va o`simlik yog`i bilan aralashtirsangiz kifoya.

Lavlagi+olma

Tarkibi: lavlagi, olma, sabzi, o`simlik yog`i, tuz, shakar.

Tayyorlanishi: Masalliqlarni qirg`ichning yirik tishidan o`tkazamiz. So`ng tuz, shakar va o`simlik yog`i bilan aralashtiramiz.

Karam+olma

Tarkibi: karam, olma, yashil bulg`or qalampiri, tuz, zaytun yog`i.

Tayyorlanishi: karamni somoncha shaklida to`g`rab, tuz bilan ezg`ilaysiz. So`ng parak qilib to`g`ralgan olma va bulg`or qalampirini qo`shing. Tuz va zaytun yog`i bilan aralashtirib olsangiz, salat tayyor.

Bodring+tuxum

Tarkibi: bodring, shivit, kashnich, qaynatilgan tuxum, qatiq, tuz.

Tayyorlanishi: bodringni to`rtga bo`lib, paraklang. Ko`katlarni maydalab to`g`rang, tuxumni mayda to`rtburchak shaklda kesing. Masalliqlarga tuz va qatiqni aralashtiring.

Dengiz karam+sabzi

Tarkibi: dengiz karami, sabzi, o`simlik yog`i, sarimsoq.

Tayyorlanishi: dengiz karamini somoncha shaklida to`g`ralgan sabzi va ezg`ilangan sarimsoq bilan aralashtiring. Salatga o`simlik yog`i va tuz qo`shing.

Pomidor+bodring

Tarkibi: pomidor, bodring, qizil karam, rayhon, tuz.

Tayyorlanishi: pomidor, bodring va karamni yirik to`rtburchak shaklda to`g`rang. Rayhonni maydalab kesing. Barchasini aralashtirib, tuz namagini sozlab oling.

Karam+bodring

Tarkibi: karam, bodring, shivit, smetana, tuz

Tayyorlanishi: karamni somoncha shaklida to`g`rang, bodringni qirg`ichning yirik tishidan o`tkazing. Masalliqlarga tuz va smetana qo`shib, aralashtiring.

Sharhlar

Buyrak xastaliklari kimlarda ko`proq uchraydi? Shifokor javob berdi

06.08.2021, 17:47

CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...
YuTINGANDA QULOQ OG`RIG`I?!

26.12.2017, 13:12

— Uch yashar o`g`lim ovqat chaynab yutayotganida qulog`ini ushlab, og`riyotganini aytdi. Shifokorga ko`rsatsam, otit deb tashxis qo`ydi. Bu qanday kasallik? Uni uyda davolasa bo`ladimi? Nazira...
DIATEZ QAYTALAMASIN DESANGIZ…

26.12.2017, 13:08

— Emizikli chaqalog`im ekssudativ diatez kasalligi bilan og`rigandi. Hozir sog`aygan bo`lsa-da, ayrim taomlarni iste`mol qilganimda uning badanida qizg`ish dog`lar paydo bo`ladi. Go`dakda diatez qaytalamasligi uchun...
FARZANDINGIZNI MAKTAB KASALLIKLARIDA ASRANG!

26.12.2017, 11:36

Uzoqni ko`ra olmaslik;skolioz (umurtqa pog`onasining qiyshayishi);gastrit;ruhiy-asab tizimi buzilishlari kabilarni maktab kasalliklari sirasiga kiritish mumkin. Statistikaga ko`ra, har besh bolaning biri umurtqa pog`onasi muammolaridan qiynalsa, har...
Ob-havo: Toshkent
Valyuta kursi
1