9-10 may kunlari “Ummon” guruhi Namangan shahridagi “Navbahor” stadionida konsert dasturini taqdim etishi rejalashtirilgan edi. Biroq konsert o`tkazilmadi — ijtimoiy tarmoqlar va Telegram messenjerida stadion kirish eshiklari oldida yig`ilib turgan minglab odamlar aks etgan video va fotosuratlar tarqaldi.
Internet foydalanuvchilari “Ummon”ning konserti bo`ladi, deb chiptalar sotilgani, biroq belgilangan kunda stadionga hech kim kiritilmagani hamda konsert o`tkazilmaganini ma`lum qilgan. Masalaga oydinlik kiritish maqsadida “Daryo” jurnalisti Feruz Muhammad “Ummon” guruhi ma`muri Doniyor Alimuhamedov bilan bog`landi.
Doniyor Alimuhamedov, “Ummon” guruhining ma`muri:
Konsertdan bir kun avval Namanganga etib borib, o`zimiz bilan bog`liq bo`lgan barcha tayyorgarlik ishlarini qildik. Ammo konsert tashkilotchilari Namangan viloyati ichki ishlar xodimlarini ogohlantirmasdan konsert dasturini tashkil qilgani sabab, konsertimizga ruxsat berilmadi.
Konsert tashkilotchilari tashkiliy ishlarda yo`l qo`ygan xatolik sabab 15 mingdan ziyod muxlislarimizga konsert taqdim etmay qaytishga majbur bo`ldik. Bizni aldoqchiga chiqarmoqchi bo`lganlarga Namanganda uch kun davomida istiqomat qilganimizni shahardagi «Jasmin» mehmonxonasi kameralari bilan isbotlashimiz mumkin.
Aksariyat san`atkorlar konsert xizmati uchun gonorarni oldindan oladi. Konsert qoldirilmasin, muxlislarimiz ranjimasin deb, shuningdek, tashkilotlar yana turli bahonalar keltirgani bois, biz gonorarni ham konsertdan keyin olishga rozi bo`lgandik. Endi ayon bo`lyaptiki, tashkilotchilar hatto ichki ishlar organlarini ham ogohlantirib qo`ymagan ekan.
Ma`lumot uchun, “Ummon” guruhi yigitlari ham 9—10 iyun kunlariga belgilangan konsert o`tkazilmagani uchun namanganlik muxlislaridan uzr so`radi. Yigitlarning videomurojaati YouTube’da e`lon qilingan.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...