So`nggi ma`lumotlarga ko`ra, sakkiz kishi AQSh g`arbiga etib kelgan kuchli dovul qurboniga aylangan.
Bundan oldin besh nafar qurbon haqida xabar berilgandi. Odamlar avtomobilhalokatlarida (polisiyachilar yuzlab YTH haqida xabar bermoqda) hamda qulagan daraxtlar va konstruksiyalar ostida halok bo`layotir, deya xabar beradi “Associated Press”. Sinoptiklarning bu boradagi ma`lumotlari ham noxush bo`lib, ular ob-havo borgan sayin yomonlashishi haqida ma`lum qilmoqda. Hukumat odamlardan uyda qolishni so`ramoqda.
Eslatib o`tamiz, jumadan shanbaga o`tar kechasi AQShning g`arbiy qismi – Kaliforniya, Nevada, Arizona va Nyu-Meksiko shtatlari yomg`ir va do`lli arktika shamoli ostida qoldi. Hozir kuchli
siklon mamlakat ichkarisiga qarab harakatlanmoqda, u Texas shtatigacha etib bordi. Ba`zi joylarda shamol tezligi soatiga 80 kilometrdan oshadi.
