Gohida hayotning quvonchu tashvishlaridan uzoq-uzoqlarga qochib ketgingiz keladi. Ayniqsa, atrofingizdagilarning tinimsiz nolishlariyu qiyinchiliklarga taslim bo`layotganini ko`rsangiz, beozor, ma`sum qalbingizni odamlarning qo`li etmaydigan, ko`zi tushmaydigan manzillarga yashirishni istaysiz. Ammo bunday manzil bormikan? Buning uchun omad formulasi haqida o`ylab ko`ring. Boisi insonning yashashdan maqsadi, intilish va orzusi tugal bo`lsa, uni hech kim va hech nima to`xtata olmaydi. Shundagina atrofdagi narsalar e`tiboringizni chalg`itolmaydi. Siz esa yaxshi kayfiyat va kuchli iroda bilan olg`i intilaverasiz. Keling, omad formulasini birga tuzamiz...
1. Niyatni tongda qiling. Bu vaqtda borliq hali odamlarning turli noxush xayollari bilan to`lmagan, sof bo`ladi. Asosiysi, nimani istayotganingizni doim yodda saqlang.
2. Izlagan imkon topadi. Bu maqol siz uchun mayoq bo`lsin. Hatto qorong`ilikda yo`lingizdan adashsangiz ham yorug`likni topa oling. Unutmang, ishonch omadning yarmi degani.
3. Atrofingizdagi olamni orzu-istaklaringizga moslashtiring. Unda faqat yorqin ranglar va pozitiv kayfiyat bo`lsin!
4. Siz xaqingizda gapirishsa, bundan aslo ranjimang. Faqat kerakli va zarur odamlargina mukohama qilishadi. Demak, sizning hayotingiz kim uchundir qiziq va ularning sizga havasi kelayapti. Nazoratni qo`ldan bermang!
Manba: «SUG‘DIYONA» gazetasi.
