03.12.2013 14:55
Shamollashga qarshi kurashning g`aroyib usullari
1-usul: Apelsindan “tipratikon” yasash
O`tkir respirator kasalliklarda piyoz va sarimsoqpiyozni hidlash (ushbu sabzavotlar chiqaradigan uchar moddalar, ya`ni fitonsidlar antibakterial ta`sirga ega bo`lib, ular mikroblarni o`ldiradi) yaxshi ekanini hamma biladi. Ammo hamma ham piyoz va sarimsoqpiyoz hidini yoqtiravermaydi.
Bu holda yoqimliroq aromaterapiya seansini o`tkazsa bo`ladi. Apelsinlarga quritilgan qalampirmunchoq soling va hosil bo`lgan “tipratikanlarni” ularning shifobaxsh bo`yi kelib turishi uchun butun uy ichiga qo`yib chiqing. Qalampirmunchoqning hidi og`riqni qoldiruvchi va
mikroblarga qarshi ta`sirga ega, apelsin hidi esa bosh og`rig`ini qoldiradi, mushaklar va bo`g`imlardagi og`riqlarni engillashtiradi, immunitetni oshiradi.
2-usul: «A-a-a» deyish!
Otolaringologlar shamollashda tez-tez... tilni ko`rsatishni tavsiya etadi. Tashqaridan bu g`alati ko`rinishi mumkin, lekin bunday mashq lor organlarning qon bilan ta`minlanishini yaxshilaydi va tomoqdagi og`riqni kamaytirgan holda shilimshiq moddaning chiqishiga ko`maklashadi.
Tilingizni chiqaring va 5-7 soniya davomida uni iyakka tomon torting. Keyin tilni pastki tishlarga bosing va og`zingizni keng ochib, shu holatda bir necha soniya turing. Profilaktika maqsadlarida tilni kuniga 3 marta chiqarishning o`zi kifoya, davolash maqsadlarida esa – 5-6
marta.
3-usul: Dengizni tomosha qilish
Kasallikka qarshi kurashda barcha vositalar yaxshi. Shu jumladan rang terapiyasi ham. Qadim
zamonlardayoq odamlar ranglarning organizmga turlicha ta`sir qilishi haqida bilgan: ba`zi ranglar tinchlantirsa, boshqalari ish qobiliyatini oshiradi, uchinchilari esa isitma va titroqqa qarshi kurashadi. Shu bois tana harorati ko`tarilganida, moviy rangga qarash, masalan, dengiz manzarasi tasvirlangan kartina yoki fotosuratni tomosha qilish foydali. Tuzalyapsiz-u, lekin hamon ojizlikni his qilyapsizmi? O`zingizni zarg`aldoq rang bilan o`rab oling. Ushbu rang quvvat va yaxshi kayfiyat bag`ishlaydi. Tabletkalardan keyin jigaringiz bezovta qilyaptimi? Unda rasionga sariq rangni kiriting.
Aytganday, quyosh ranglarini sariq va zarg`aldoq meva-sabzavotlar ko`rinishida “ichga” qabul qilish ham foydali. Ularda immun tizimini rag`batlantiruvchi hamda O`RVI va gripp yuqishi
xavfini kamaytiruvchi beta-karotin moddasi va E vitamini ko`p.
4-usul: Nuqtaga bosish
Xitoylik tabiblar har kuni (yaxshisi ertalab) beshta biologik faol nuqtani bosishni maslahat beradi, buning uchun ularni ko`rsatkich yoki bosh barmoq bilan 2 daqiqa davomida bosish lozim – bu sizni shamollashdan asraydi.
Mabodo kasal bo`lib qolsangiz, nuqtalarni bosish sizni tezda sog`lomlar safiga qaytaradi. Shamollashga qarshi kurashadigan nuqtalarni topish juda oson: ulardan bittasi bo`yinning orqa tomonidagi chuqurchada, sochlar chegarasidan sal yuqoriroqda joylashgan. Yana biroz
yuqorroqda (chuqurchadan chiqmagan holda) esa – ikkinchisi. Uchinchi nuqtani qoshlar o`rtasidan,
to`rtinchisini qoshlarning ichki chekkasidan (xitoyliklar qattiq shamollaganda ushbu zonani uqalash juda foydali ekanini qayd etadi), beshinchisini esa burun solinchaklarining yon tomonlaridan topish mumkin. Juft nuqtalarni bir paytda bosish lozim.
5-usul: Sayr qilish
Sayrlardan voz kechmang (tananing normal haroratida). 30-40 daqiqa piyoda yurish burun va
bronxlardagi qon aylanishini yaxshilaydi, shuningdek, bu yig`ilib qolgan shilimshiq moddani tezroq yo`tal bilan chiqarib tashlash imkonini beradi. Bunda o`rtacha jadallikda yurish lozim. Agar tezlashsangiz, nafas olishingiz buzilib, ichingizga sovuq havo ko`proq kiradi va bu sog`ayish jarayonini cho`zib yuboradi. Ammo kasallik paytida trenajyor zalida yugurish, suzish va terlash tavsiya etilmaydi – buning uchun to`liq sog`ayishingizni kuting.
Shamollashga qarshi kurashning milliy xususiyatlari:
yaponcha usul: kuniga kamida 10 piyola ko`k choy ichiladi;
hindcha usul: ziravorlardan foydalanish, ayniqsa kurkumadan: uyallig`lanishni oladi, mikroblarga qarshi kurashadi va kuchli antioksidant hisoblanadi;
italyancha usul: pissa tanovul qilish. Italiyaliklarning fikricha, pissadagi asosiymasalliqlar – pishloq, tuxum, ko`katlar va pomidorlar – organizmning shamollash va grippga chidamliligini oshiradi;
meksikancha usul: qalampir va yana bir bor qalampir qo`shish! Qalampir bronxlarni kengaytiradi va mikroblarga qarshita`sir qilish xususiyatiga ega. Meksikaliklar kasallikning dastlabki alomatlarida tillariga biroz maydalangan qizil qalampir soladi va uni suv bilan ichib yuboradi.